வாஷிங்டன் டி.சி., 23 நவம்பர் (பெர்னாமா) -- ஹெட்ஜ் நிதி நிர்வாகி ஸ்காட் பெசென்ட்டை கருவூல செயலாளராக நியமிப்பதாக, அமெரிக்க அதிபராக தேர்ந்தெடுக்கப் பட்டிருக்கும் டோனால்ட் டிரம்ப் அறிவித்துள்ளார்.
உலகளாவிய பெரிய முதலீட்டு நிறுவனமான Key Executive Square குழுமத்தின் தோற்றுநரும் தலைமை நிர்வாக அதிகாரியுமான பெசென்ட், America First கொள்கைக்கு நீண்ட காலமாக ஆதரவு தெரிவித்து வருவதாகவும் டிரம்ப் குறிப்பிட்டுள்ளார்.
தென் கெரோலினா, கொன்வேயில் பிறந்த ஸ்காட் பெசென்ட் முதலீடு நிர்வகிப்பு துறையில் 35 ஆண்டுகள் அனுபவம் கொண்டவர்.
விவசாயம், உபசரிப்பு, உற்பத்தி மற்றும் நிலம் உட்பட பல தொழில்துறைகளை அவரது நிறுவனம் கொண்டுள்ளது.
1984-ஆம் ஆண்டு யேல பல்கலைக்கழகத்தின் பட்டதாரியான பெசென்ட் அங்கு பொருளாதார வரலாற்று துறையில் துணைப் பேராசிரியராகவும் பணியாற்றியுள்ளார்.
வெளியுறவு மன்றம் மற்றும் நியூ யார்க் பொருளாதார கிளப்பில் பெசென்ட் உறுப்பினரும் ஆவார்.
-- பெர்னாமா
[பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)]
