கோலாலம்பூர், 23 நவம்பர் (பெர்னாமா) -- மடானி அரசாங்கத்தின் இரண்டாம் நிறைவாண்டை முன்னிட்டு நடைபெற்றுவரும் 2TM நிகழ்ச்சியில் மலிவான தொலைத்தொடர்பு சாதனங்களும் கவர்ச்சிகரமான இணைய சேவை திட்டமும் தொலைத்தொடர்பு நிறுவனங்கள் வழங்கும் சிறப்பு சலுகைகளில் இடம் பெற்றுள்ளன.
அதோடு, இந்நிகழ்ச்சிக்கு வருகையளிப்பவர்களுக்கு, அமைச்சுகள், நிறுவனங்கள் மற்றும் அரசாங்கத் துறை முகப்புகளில், பல்வேறான சேவையும் நடவடிக்கைகளும் ஏற்பாடு செய்யப்பட்டுள்ளதாக தொடர்பு அமைச்சர் ஃபஹ்மி ஃபட்சில் தெரிவித்தார்.
கோலாலம்பூர் மாநாட்டு மையத்தில் நடைபெற்று வரும் 2TM நிகழ்ச்சிக்கு இன்று வருகையளித்த ஃபஹ்மி செய்தியாளர்களிடம் அதனைக் கூறினார்.
பல நிறுவனங்கள் மற்றும் செய்தி நிறுவனங்களிலிருந்து சுமார் 100-க்கும் மேற்பட்ட ஊடகவியலாளர்கள் இந்நிகழ்ச்சியில் பதிந்து கொண்டுள்ள கூடுதல் தகவலையும் அவர் வழங்கினார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
