கோல திரெங்கானு, 26 நவம்பர் (பெர்னாமா) - எஸ்பிஎம் தேர்வு காலக்கட்டத்தில் திரெங்கானுவிலுள்ள எட்டு பள்ளிகள் வெள்ளதால் பாதிக்கப்படும் அபாய நிலையில் இருப்பதாக அம்மாநிலக் கல்வி இலாகா இயக்குநர் ஜெலானி சுலோங் தெரிவித்தார்.
கெமாமானில் அமைந்துள்ள சூலாய், ஆயிர் பூத்தே, மாக் லங்காம், புக்கிட் மெந்தோக் ஆகிய இடைநிலைப்பள்ளிகள் வெள்ளதால் பாதிக்கப்படும் அபாய கட்டத்தில் உள்ளதை அவர் சுட்டிக்காட்டினார்.
மேலும், உலு திரெங்கானுவில் தெங்கு அம்புவான் இந்தான், இம்தியாஸ் யாயாசான் திரெங்கானு கோல பெராங், மஹ்முதியா ஆகிய இடைநிலைப்பள்ளிகளும் வெள்ளதால் பாதிக்கப்படலாம் என்று அவர் அனுமானித்தார்.
இதனை முன்னிட்டு அதிக ஆபத்துள்ள பகுதியில் அமைந்துள்ள பள்ளிகளில் பயிலும் மாணவர்கள் மாற்றுத் தேர்வு மையங்களில் தேர்வினை எழுத அனைத்து முன்னேற்பாடுகளும் செய்யப்பட்டுள்ளன.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
