ஜப்பான், 17 ஜூலை (பெர்னாமா) -- ஜப்பான் பொது பூப்பந்து போட்டி.
இன்று நடைபெற்ற ஆட்டத்தில் நாட்டின் கலப்பு இரட்டையரான கோ சூன் ஹுவாட்-ஷெவோன் லாய் ஜெமி ஜோடி வெற்றிப் பெற்று காலிறுதி சுற்றுக்கு முன்னேறினர்.
கணவன் - மனைவி தம்பதியரான கோ சூன் ஹுவாட்-ஷெவோன் லாய் ஜெமி மூன்றாம் சுற்று ஆட்டத்தில் சிங்கப்பூரின் டெர்ரி ஹீ-ஜின் யூ ஜியா இணையருடன் மோதினர்.
அதில், 32 நிமிடங்களில் 21-14, 21-17 என்ற நேரடி செட்களில் உலகின் ஆறாம் நிலையில் இருக்கும் மலேசிய ஜோடி வெற்றிப் பெற்றது.
இதனிடையே, உலகின் நான்காம் நிலையில் உள்ள நாட்டின் மற்றொரு இரட்டையரான சென் தாங் ஜீ-தோ யீ வெய் ஜோடியும் வெற்றிகரமாக அடுத்த சுற்றில் கால் வைத்தது.
இந்தோனேசியாவின் ஜாஃபார் ஹிடயாதுல்லா-ஃபெலிஷா பசாரிபு இணையரை ஜோடியை 17-21, 21-16 மற்றும் 21-12 என்ற புள்ளிகளில் அவர்கள் தோற்கடித்தனர்.
மற்றொரு கலப்பு இரட்டையருக்கான ஆட்டத்தில் நாட்டின் ஹோ பாங் ரொன்-செங் சு யின் ஜோடியினர், 21-9, 21-6 என்ற புள்ளிகளில் சீனாவிடம் தோல்வியைத் தழுவினர்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
