தபாஸ்கோ, 25 நவம்பர் (பெர்னாமா) -- தெற்கு மெக்சிகோவின் தபாஸ்கோ மாநிலத்தில் மேற்கொள்ளப்பட்ட ஆயுத மேந்திய தாக்குதலில் அறுவர் கொல்லப்பட்டனர்.
நேற்று அதிகாலை, வில்லாஹெர்மோசா நகரில் அமைந்துள்ள DBAR மதுபான விடுதிக்குள் நுழைந்த மர்ம நபர் ஒருவர் திடீரென துப்பாக்கிச்சூடு நடத்தியதாக அதிகாரிகள் தெரிவித்தனர்.
சம்பவ இடத்தில் ஐவர் பலியான வேளையில், மேலும் ஒருவர் மருத்துவமனைக்கு கொண்டு செல்லும் வழியில் உயிரிழந்தார்.
அதோடு, காயமடைந்த 10 பேர் அருகில் உள்ள மருத்துவமனைகளில் அனுமதிக்கப்பட்டுள்ளனர்.
இச்சம்பவம் குறித்து போலீசார் விசாணை நடத்தி வரும் நிலையில், இது திட்டமிடப்பட்ட குற்றச் செயல்களுடன் தொடர்புடையதாக இருக்காது என்று கூறியுள்ளனர்.
இதனிடையே, சனிக்கிழமை இரவு அம்மாநிலத்தில் நிகழ்ந்த மற்றொரு வன்முறை சம்பவத்தில், ஆயுதமேந்திய குழு ஒன்று அங்கு நடந்த திருமணத்திற்குள் நுழைந்து தாக்குதல் மேற்கொண்டது.
அதில் ஒருவர் பலியானதோடு மூவர் காயமடைந்தனர்.
எனினும், இவ்விரு சம்பவத்திற்கும் தொடர்பு இல்லை என்று தெரிவிக்கப்பட்டுள்ளது.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
