ஜாலான் கிளேங் லாமா, 30 ஜனவரி (பெர்னாமா) -- நேற்றிரவு, கோலாலம்பூர் ஜாலான் கிளேங் லாமாவில் உள்ள ஒரு கட்டிடத்தின் முன்பு, இரு வாகனங்கள் கவனக் குறைவாக செலுத்தப்பட்டு, ஆடவர் கும்பல் மீது மோதியதாக போலீசாருக்குப் புகார் கிடைத்துள்ளது.
அக்கும்பல் மீது கார் மோதுவதற்கு முன்னதாக, Toyota Hilux மற்றும் Toyota Vios ரக வாகனங்கள், கார் நிறுத்துமிட கட்டிடத்தில் இருந்து மிகவும் வேகமாக வெளியேறியதை புகார் அளித்தவர் கண்டதாக பிரிக்பீல்ட்ஸ் மாவட்ட போலீஸ் தலைவர் ஏசிபி கு மஷரிமான் கு மஹ்முட் கூறினார்.
இச்சம்பவத்தில் ஆடவர்கள் இருவர் காயம் அடைந்ததாக ஏசிபி கு மஷரிமான் கூறினார்.
ஆனால், பாதிக்கப்பட்டவர்கள் இது தொடர்பில் எவ்வித புகாரும் இன்னும் அளிக்கவில்லை.
குற்றவியல் சட்டம் பிரிவு 307-இன் கீழ், அச்சம்பவம் தொடர்பான விசாரணை அறிக்கை திறக்கப்பட்டிருப்பதாக ஏசிபி கு மஷரிமான் தெரிவித்தார்.
அதோடு, இச்சம்பவம் குறித்து தகவல் அறிந்த பொதுமக்கள், அருகில் உள்ள போலீஸ் நிலையத்தில் புகார் அளிக்க கேட்டுக் கொள்ளப்பட்டுள்ளனர்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
