லண்டன், 20 நவம்பர் (பெர்னாமா) -- மென்செஸ்டர் சிட்டியின் நிர்வாகி பெப் கார்டியோலா அக்கிளப்புடன் தனது ஓராண்டு கால ஒப்பந்தத்தை நீட்டிக்க ஒப்புக்கொண்டுள்ளார்.
அவரின் ஒப்பந்தம் சிட்டியில் இன்னும் சில மாதங்களில் முடிவடையும் வேளையில் அது தற்போது நீட்டிக்கப்படலாம் என்று கூறப்பட்டுகிறது.
ஸ்பெய்னைச் சேர்ந்த 53 வயது பெப் கார்டியோலா தற்போதைய ஒப்பந்தம் முடிந்து மேலும் ஓராண்டு நீட்டிப்பில் கையெழுத்திடுவார் என்று எதிர்பார்க்கப்படுகிறது.
2016ஆம் ஆண்டில், எதிஹாட்டில் இணைந்ததில் இருந்து கார்டியோலா ஆறு பிரீமியர் லீக் பட்டங்களை வென்றதுடன் வெற்றியாளர் லீக்கில் அக்கிளப் முதல் கிண்ணத்தையும் வென்றுள்ளது.
இவரது தலைமையின் கீழ் சிட்டி இங்கிலாந்தில் தொடர்ந்து நான்கு லீக் பட்டங்களை வென்ற முதல் அணியாக வரலாறு படைத்தது.
2023இல் சிட்டியை மும்மடங்குக்கு வெற்றிக்கு அழைத்துச் சென்ற கார்டியோலா, ஒரு பருவத்தில், பிரீமியர் லீக், வெற்றியாளர் லீக் மற்றும் FA கிணங்களை வென்றது சிட்டியின் வரலாற்று சாதனையாகும்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
