இந்தியா, 20 நவம்பர் (பெர்னாமா) -- இந்தியாவின் மகாராஷ்டிரா மற்றும் ஜார்கண்ட் மாநிலங்களில் இன்று நடைபெற்று வரும் வாக்களிப்பில் லட்சக் கணக்கானோர் வாக்களித்து வருகின்றனர்.
இன்று காலை 7 மணிக்கு தொடங்கிய வாக்குப் பதிவு தொடங்கிய மாலை 6 மணிக்கு நிறைவடையும்.
மகாராஷ்டிரா மாநிலத்தில் 288 தொகுதிகளுக்கும் ஒரே கட்டமாக வாக்குப்பதிவு நடைபெற்று வருகிறது.
அம்மாநிலத்தில், 9 கோடியே 70 லட்சத்து 25 ஆயிரத்து 119 தகுதி பெற்ற வாக்காளர்கள் உள்ளனர்.
அதேவேளையில், 81 தொகுதிகளைக் கொண்ட ஜார்கண்ட் மாநில சட்டமன்றத் தேர்தல் 2 கட்டங்களாக நடைபெறும் என்று தேர்தல் ஆணையம் முன்னதாக அறிவித்திருந்தது.
ஒரு கோடியே 23 லட்சம் தகுதி பெற்ற வாக்காளர்களைக் கொண்டுள்ள அம்மாநிலத்தில், 43 தொகுதிகளுக்கான முதல் கட்ட தேர்தல் கடந்த 13ஆம் தேதி நடந்தது.
எஞ்சிய 38 தொகுதிகளுக்கு 2ஆம் கட்ட தேர்தல் வாக்குப்பதிவு இன்று நடைபெற்று வருகிறது.
இவ்விரு மாநிலங்களின் வாக்குப் பதிவுகள் வரும் சனிக்கிழமை எண்ணப்படும்
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
