துருக்மெனிஸ்தானின் ஆறு ஊடக பிரதிநிதிகள் பெர்னாமாவிற்கு வருகை

விஸ்மா பெர்னாமா, 18 டிசம்பர் (பெர்னாமா) - மலேசிய தேசிய செய்தி நிறுவனம் பெர்னாமாவிற்கு துருக்மெனிஸ்தானின் ஆறு ஊடக பிரதிநிதிகள் இன்று வருகை புரிந்திருந்தனர்.

அவர்கள் உடனான அச்சந்திப்பில் பெர்னாமா வழங்கும் சேவைகள் குறித்து பகிரப்பட்டதாக பெர்னாமா தலைமை செய்தி ஆசிரியர் அருள் ராஜு துரை ராஜ் தெரிவித்தார்.

அடுத்தாண்டு, மலேசியா ஆசியானிற்கு தலைமையேற்கும் நிலையில் அது தொடர்பான செய்திகளை துருக்மெனிஸ்தானிடம் பறிமாற்றம் செய்துக்கொள்ளும் சாத்தியக்கூறுகள் குறித்து கலந்துரையாடப்பட்டதாக அருள் ராஜூ கூறினார்.

''இன்றைய சந்திப்புக் கூட்டத்தில் செய்திகளை பரிமாறிக் கொள்வதற்கான சாத்தியக்கூறுகள் மற்றும் இதர அம்சங்களில் ஒத்துழைப்பு நல்குவது குறித்து நாங்கள் விவாதித்தோம். தற்போது எங்களிடம் துர்க்மெனிஸ்தானுடன் எந்த செய்தி பரிமாற்றமும் இல்லை. தென்கிழக்கு ஆசியாவில் உள்ள இதர நாடுகளுடன் செய்தி பரிமாற்றம் உள்ளது. துர்க்மெனிஸ்தானுடன் உறவை ஏற்படுத்துவதற்கான வாய்ப்பை பயன்படுத்துகிறோம்,'' என்று அருள் ராஜு துரை ராஜ் தெரிவித்தார். 

பெர்னாமாவின் அனைத்துலக  செய்தி சேவையின் நிர்வாக ஆசிரியர்  ரவிச்சந்திரன் துரைராஜ் ஜோன்சன் பவுல், தொலைக்காட்சி மற்றும் வானொலி பிரிவுத் தலைவர் முஹமட் ஷுக்ரி இஷாக், பெர்னாமா செய்தி சேவையின் நிர்வாக ஆசிரியர் முஹமட் ஹைக்கால் முஹமட் இசா மற்றும் பெர்னாமா தொலைக்காட்சியின் தலைவர் நோர் ஹம்சேலா முஹமட் ஹம்பாலி ஆகியோரும் இந்த சந்திப்பில் கலந்து கொண்டனர்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)