ஜாலான் சுல்தான் அஸ்லான் ஷா, 01 ஜனவரி (பெர்னாமா) -- கோலாலம்பூரில் நேற்றிரவு மேற்கொள்ளப்பட்ட சோதனை நடவடிக்கையில் பல்வேறு குற்றங்களுக்காக 101 மோட்டார் சைக்கிள்களும் 117 வாகனங்களும் பறிமுதல் செய்யப்பட்டன.
நேற்றிரவு மணி 8-க்குத் தொடங்கிய இந்நடவடிக்கை, கோலாலம்பூரில் மோட்டார் சைக்கிளோட்டிகளின் பாதுகாப்பு மற்றும் போக்குவரத்து சட்டங்கள் தொடர்பில் கவனம் செலுத்தியதாக, கோலாலம்பூர் கூட்டரசு பிரதேச சாலை போக்குவரத்து துறையின் இயக்குனர் ஹமிடி அடாம் கூறினார்.
இதில் 5,094 வாகனங்கள் சோதனை செய்யப்பட்ட நிலையில், பல்வேறு குற்றங்களுக்காக 731 வாகனங்கள் மீது நடவடிக்கையும் எடுக்கப்பட்டன.
அதோடு, பாகிஸ்தான், இந்தோனேசியா, வங்காளதேசம் மற்றும் இலங்கை உள்ளிட்ட 75 வெளிநாட்டு ஓட்டுநர்களைச் சோதனையிட்டதில், 30 பேர் குடிநுழைவுத்துறையால்கைது செய்யப்பட்டனர்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30
(ஆஸ்ட்ரோ 502)
