தோக்கியோ, 14 செப்டம்பர் (பெர்னாமா) -- 2025-ஆம் ஆண்டு தோக்கியோ உலக திடல்தடப் போட்டியின் 100 மீட்டர் பிரிவில், 10.61 வினாடிகள் பதிவு செய்து, அமெரிக்காவின் மெலிசா ஜெஃபர்சன் - வூடன் சாதனை படைத்துள்ளார்.
இதன் வழி, உலக திடல்தடப் போட்டியின் சாதனையை அவர் முறியடித்துள்ளார்.
ஒலிம்பிக் போட்டியில் இரு முறை பதக்கம் மற்றும் இரு முறை உலக வெற்றியாளார் பட்டத்தை வென்றுள்ள ஜெஃபர்சன் - வூடனுக்கு இச்சாதனை மேலும் ஓர் அங்கிராத்தை வழங்கியுள்ளது.
இப்போட்டியில், அவர் பதிவு செய்த நேரம், உலக சாதனை பட்டியலில் நான்காவது இடத்தில் இருக்கிறது.
இதனிடையே அவருடன் களமிறங்கிய ஜமைக்காவின் Tia Clayton 10.76 வினாடிகள் பதிவு செய்து வெள்ளியும், செயிண்ட் லூசியனைச் சேர்ந்த ஜூலியன் ஆல்ஃபிரட் 10.84 வினாடிகள் பதிவு செய்து வெண்கலமும் வென்றனர்.
ஆடவருக்கான 100 மீட்டர் பிரிவில் ஜமைக்காவின் Oblique Seville, 9.77 வினாடிகள் பதிவு செய்து தங்கம் வென்றார்.
அவரின் சகாவான கிஷானே தாம்சன் வெள்ளி வென்ற வேளையில், அமெரிக்காவின் நோவா லைல்ஸ் வெண்கலம் வென்றார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)
