சிங்கப்பூர், 01 ஆகஸ்ட் (பெர்னாமா) -- ஹமாஸ் தலைவர் இஸ்மாயில் ஹனியே கொல்லப்பட்டதற்கும் அமெரிக்காவுக்கும் சம்பந்தம் இல்லை என்று அமெரிக்க வெளியுறவு அமைச்சர் ஆண்டனி பிளின்கன் தெரிவித்துள்ளார்.
சிங்கப்பூருக்கு 2 நாள் அதிகாரப்பூர்வ பயணம் மேற்கொண்டுள்ள அவர் சி.என் ஏ செய்திய்தியாளர்களிடம் பேசியபோது அதனைக் கூறினார்.
ஹனியே கொல்லப்பட்டதன் விளைவை ஊகிப்பது கடினம் என்று ஆண்டனி பிளின்கன் தெரிவித்துள்ளார்.
9 மாதங்களாக நீடிக்கும் போருக்குச் சண்டை நிறுத்தம் மிகவும் முக்கியம் என்று கூறிய அவர், எவ்வளவு காலம் பிடித்தாலும் அதற்கான முயற்சி தொடரும் என்றும் தெரிவித்தார்.
ஈரானின் புதிய அதிபரின் பதவியேற்பு விழாவுக்கு வந்திருந்த இஸ்மாயில் ஹனியே வான்வழித் தாக்குதலில் கொல்லப்பட்டார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)