கோலாலம்பூர், 16 ஜனவரி (பெர்னாமா) -- இன்று காலை கோலாலம்பூர் - சிரம்பான் நெடுஞ்சாலையில் நிகழ்ந்த விபத்தில் பாதிக்கப்பட்ட மோட்டார் சைக்கிளோட்டி ஒருவருக்குத் தேசிய போலீஸ் படைத் தலைவர் டான் ஶ்ரீ ரசாருடின் ஹூசைன் உதவினார்.
போக்குவரத்தைக் கட்டுப்படுத்தி பாதிக்கப்பட்டவரை மருத்துவமனைக்கு அனுப்பும் வரையிலான உதவிகளைப் போலீஸ் அதிகாரிகளுடன் இணைந்து அவர் செய்திருக்கின்றார்.
காலை மணி 7.39 அளவில் நடந்த இச்சம்பவத்தின்போது, மாதாந்திர கூட்டத்தில் பங்கேற்பதற்காக டான் ஶ்ரீ ரசாருடின் தமது இல்லத்திலிருந்து புக்கிட் அமானுக்குச் சென்று கொண்டிருந்தார்.
இவ்விபத்தில் சிக்கிய ரேலா உறுப்பினர், வலது தடத்திற்கு நுழைவதற்கு முன்பு இடது தடத்தில் சென்றிருக்கின்றார்.
அந்நேரத்தில், கார் ஒன்றும் வலது தடத்திற்கு நுழைந்த நிலையில் கட்டுப்பாட்டை இழந்த மோட்டார் சைக்கிளோட்டி மற்றொரு காரைப் பின்புறத்தில் மோதினார்.
இச்சம்பவத்தின் போது டான் ஶ்ரீ ரசாருடினை ஏற்றிச் சென்ற காரும் பயணத்தில் இருந்தால் அவரும் அந்த மோட்டார் சைக்கிளோட்டிக்கு உதவியுள்ளார்.
-- பெர்னாமா
பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)
