பாரிஸ், 30 ஆகஸ்ட் (பெர்னாமா) -- 2025 உலக பூப்பந்து போட்டியின் அரையிறுதி ஆட்டத்திற்கு நாட்டின் முண்ணனி மகளிர் இரட்டையர் பெர்லி டான் - எம். தீனா முன்னேறியுள்ளனர்.
நேற்று நடைபெற்ற நான்காம் சுற்று ஆட்டத்தில் அவர்கள் பல்கேரியாவின் ஆட்டக்காரர்களைத் தோற்கடித்தனர்.
பிரான்ஸ் பாரிசில் நடைபெற்று வரும் இப்போட்டியில், உலகத் தர வரிசையில் இரண்டாம் இடத்தில் உள்ள பெர்லி டான் - எம். தீனா ஜோடி பல்கேரியாவின் சகோதர ஆட்டக்காரர்களான கெப்ரியலா ஸ்டொவா - ஸ்டெஃபனி ஸ்டொவா இணையை எதிர்கொண்டது.
அதில், அவர்களுக்கு எதிரான சவால்களை எளிதாக பின்னுக்குத் தள்ளி 21-15, 21-10 என்ற புள்ளிகளில் வெற்றிப் பெற்றனர்.
இதன்வழி, குறைந்தபட்சம் ஒரு வெண்கலப் பதக்கம் மலேசியாவின் கைகளில் இருப்பதையும் பெர்லி - தீனா ஜோடி உறுதிசெய்துள்ளது.
இன்று நடைபெறும் அரையிறுதி ஆட்டத்தில் மலேசியா ஜப்பானுடன் மோதுகின்றது.
மதிப்புமிக்க இப்போட்டியில், முதல் மகளிர் இரட்டையர் பதக்கத்தை வென்று புதிய வரலாற்றை உருவாக்கும் இலக்கை அவர்கள் நெருங்கியுள்ளனர்.
--பெர்னாமா
[பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 11:30 (ஆஸ்ட்ரோ 502)]
