11-வது ஆசியக் கிண்ண ஹாக்கி போட்டி;  மலேசியாவும் இந்தியாவும் சமநிலை

ஜகார்த்தா, 30 மே ( பெர்னாமா) -- இந்தோனேசிய தலைநகர் ஜகார்த்தாவில் நடைபெற்று வரும்  11-வது ஆசியக் கிண்ண ஹாக்கி போட்டியின் இரண்டாவது ஆட்டத்தில்  மலேசியாவும் இந்தியாவும் சமநிலை கண்டுள்ளன.  

இரு நாடுகளுக்கும்  சவாலாக அமைந்த இந்த ஆட்டம் 3-3 என்ற கோல் கணக்கில் சமநிலையானது. 

இந்திய வீரர்கள் விஷ்ணுகாந்த் சிங், எஸ்.வி.சுனில் மற்றும் சஞ்சீப் எக்செஸ் ஆகியோர் தலா ஒரு கோல் அடித்தனர்.

மலேசியாவுக்கான 3 கோல்களை 12, 21, 56 ஆவது நிமிடங்களில் பெனால்டி கொனர் மூலம் முகமட் ரட்சி அடித்தார். 

இதனிடையே, முதல் ஆட்டத்தில் தென் கொரியாவைச் சந்தித்த மலேசிய அணி 2-2 என்ற கோல் எண்ணிக்கையில் சமநிலை கண்டது.

நாளை ஜப்பானை வீழ்த்தினால் மலேசிய இறுதி ஆட்டத்திற்குள் நுழைய வாய்ப்புள்ளது.

8 அணிகள் பங்கேற்கும் இந்த போட்டியில் லீக் சுற்று முடிவில் 'ஏ' பிரிவில் ஜப்பான், நடப்பு வெற்றியாளரான இந்தியா, 'பி' பிரிவில் மலேசியா, தென்கொரியா ஆகிய அணிகள் சூப்பர் 4 எனப்படும் 2-வது சுற்றுக்கு முன்னேறின. 

இந்த சுற்றில் ஒவ்வொரு அணியும் தங்களுக்குள் தலா ஒரு முறை மோத வேண்டும்.

இதன் முடிவில் முதன்மை இரு இடங்களை பிடிக்கும் அணிகள் இறுதிப்போட்டிக்கு முன்னேறும்.

-- பெர்னாமா

பெர்னாமா செய்திகள் நேரலை: இரவு 7 மணி மறுஒளிபரப்பு: இரவு 1130 (ஆஸ்ட்ரோ 502)